... ذكرى مهمله ...
 

... ذكرى مهمله ...


يا طول صبري وانا اتحمل جفاك
الى متى صبري .. وقلبك اسئله

الى متى وانت .. تتمادى بخطاك
الى متى . . وحبي ذكرى مهمله

ياليت تدري . . ويش يعني غلاك
ما كان دقيقه .. هالجفا .. تتحمله

ارفق بقلبي .. دام .. الله . عطاك
يا اغلا ملاك من السما مسترسله

من بد .. خلق الله .. قلبي شراك
بعد الوفاء .. اليوم .. قلبي تجهله

لو تطلب القلب ترى القلب يفداك
إنتي حلم .. وازريت حلمي اوصله

اسقي عروقي .. من .. هتان ماك
واروي أنا ورودك. سحايب مرسله

ما ابي غيرك .. لو يجي هذا وذاك
يا . واثقه . . يا فارقه .. يا مذهله

كني يتيم .. في .. حياتي .. بلياك
يا شين ليلي . . في غيابك ماطوله

مسكين .. يا قلب . . ما هذا جزاك
خاب الرجا فيه . . يا قلب .. أهمله

قول أيش تبغى بشخص ن ما بغاك
وقف .. ودرب الذل . . لا لا تكمله


بقلمي اخوكم الشاعر .. نجم ضاوي ..

صح لسانك قصيده جميله و فيها معاناه وألم يعطيك العافية

ما ابي غيرك .. لو يجي هذا وذاك
يا . واثقه . . يا فارقه .. يا مذهله

كني يتيم .. في .. حياتي .. بلياك
يا شين ليلي . . في غيابك ماطوله..


صح لسانك شاعرنا.. يامذهل أنت

كل الشكر نجم ضاوي

صح لسانك شاعرنا المميز

قصيد جزل وافي

لا خلا و لاعدم

الله عليك شاعرنا
قصيدة جزلة وقمة في الابداع
صح لسانك مليون واعتلا شأنك
مبدع بقافك كما عهدناك .. لا خلا من جديدك
الله يسعدك

لسموك كل شيء جميل :رحيق:

ياروعة كلماتك يانجم ضاوي
اضويت بيت القصيدبكلماتك العذبه
كني يتيم في حياتي بلياك ....جميل جدا.